Tsíkanovskaja dæmd í 15 ára fangelsi
Setja bókamerki
Hvítrússneski stjórnarandstæðingurinn, Svetlana Tsíkanovskaja, hefur verið dæmd í 15 ára fangelsi í heimalandinu fyrir að leiða mótmæli gegn núverandi stjórn landsins.
Tsíkanovskaja er nú í útlegð í Litháen, en hún hefur meðal annars nokkrum sinnum komið til Íslands eftir að hún bauð sig fram til forseta gegn Alexander Lúkasjenkó árið 2020.
Tsíkanovskaja var því fjarverandi er dómurinn var kveðinn upp en hún er ákærð fyrir landráð og að hafa skipulagt valdarán.
Paul Latuskó, fyrrverandi menningarmálaráðherra og stjórnarandstæðingur Lúkasjenkó, var dæmdur samhliða Tsíkanovskaju í 18 ára fangelsi.
Heldur áfram að berjast fyrir hönd pólitískra fanga
Lúkasjenkó hefur verið forseti Hvíta-Rússlands frá árinu 1994 og urðu niðurstöður síðustu kosninga, er Tsíkanovskaja bauð sig fram gegn honum, að Lúkasjenkó hafi hlotið 80% atkvæða.
Eru þær niðurstöður sagðar falsaðar og í kjölfarið brutust út mikil mótmæli í ríkinu.
Í kjölfar dómsuppkvaðningarinnar í dag sagði Tsíkanovskaja réttarhöldin líktust farsa, og þá sagðist hún áfram ætla að berjast fyrir hönd pólitískra fanga Hvíta-Rússlands.
„Í dag hugsa ég ekki um eigin dóm. Ég mun ekki hætta fyrr en öllum hefur verið sleppt úr haldi,“ sagði í færslu Tsíkanovskaju á samfélagsmiðlum.
Ekki gerlegt að sakfella eftir lýsingu í ákæru
Héldu að kvikuhlaup gæti verið að hefjast
Fer fram á sex og hálfs ára fangelsi yfir Jóni Inga
58,6 milljarða halla spáð á næsta ári
Hvað verður um sakamálin ef Trump vinnur? Eða tapar?
Ísrael rýfur öll tengsl við UNRWA
Funduðu að næturlagi vegna gruns um kvikuhlaup