Banna TikTok í vinnusímum
AFP/Denis Charlet
Setja bókamerki
Belgía samþykkti í dag lög sem gera ríkisstarfsmönnum óheimilt að nota Kínverska snjallsímaforritið TikTok í vinnusímum sínum. Bannið á ekki við um persónulega síma ríkisstarfsmanna en lögin verða í gildi, til bráðabirgða, næstu sex mánuði í kjölfar áhættumats um mögulegar njósnir.
Belgía er ekki fyrsta landið sem grípur til aðgerða varðandi notkun ríkisstarfsmanna á forritinu, en Bandaríkjamenn tilkynntu í febrúar að ríkisstarfsmenn hefðu 30 daga til að eyða því úr vinnusímum sínum.
Þó nokkrar evrópskar ríkisstjórnir og Evrópusambandsstofnanir hafa einnig gefið starfsmönnum sínum fyrirmæli um að eyða forritinu úr snjallsímum og fartölvum sem notaðar eru til vinnu af ótta við að kínversk yfirvöld nýti TikTok til að fá aðgang að viðkvæmum upplýsingum.
TikTok er kínverskt fyrirtæki og er þar af leiðandi skyldugt að vinna með kínversku leyniþjónustunni. Það er raunveruleikinn” sagði belgíski forsætisráðherrann Alexander De Croo.
Á miðvikudaginn tilkynnti TikTok að fyrirtækið hefði hafið samstarf við óháð öryggisfyrirtæki í Evrópu sem hafi umsjón með notkun á þeim gögnum sem forritið hefur aðgang að. Evrópsk notendagögn verði frá og með 2023 geymd í Dublin eða Noregi.
Birgir Ármannsson, forseti alþingis, sagði í svari til Morgunblaðsins fyrr í mánuðinum að þingið skoðaði nú stöðuna og aflaði upplýsinga frá þingum í nágrannalöndum, varðandi hvort banna ætti snjallsímaforritið í vinnutækjum starfsmanna þingsins.
Búseti krefst stöðvunar
Engin umræða um verðhækkanir erlendis
Fleiri glæpamenn gætu sloppið við afplánun
Rafbyssur: Ágreiningur, áhrif og sturlunarástand
Raforkukerfið ræður ekki við vöxt samfélagsins
Bærinn búinn að eyrnamerkja milljarð í Skessuna
Unglingaskólinn var samþykktur