Masatoshi Ito látinn

Japanski milljarðamæringurinn Masatoshi Ito, sem er þekktastur fyrir að hafa stuðlað að vexti Seven Eleven-verslana á heimsvísu, er látinn 98 ára að aldri.

Masatoshi lést þann 10. mars síðastliðinn úr elli. Þessu greinir BBC frá.

Masatoshi varð fyrst var við Seven Eleven-verslanir í kringum 1972 þegar samstarfsmaður hans, sem hafði farið tl Bandaríkjanna benti honum á þær. Árið 1974 samdi Masatoshi við bandaríska eigendur Seven Eleven og opnaði fyrstu verslunina í Japan. Síðan þá hafa þúsundir Seven Eleven-verslana hafið starfsemi og eru þær 83 þúsund talsins í dag en um fjórðungur þeirra eru staðsettar í Japan.

Í kringum 1990 eignaðist fyrirtæki Masatoshi, Ito-Yokado síðar Seven & i, meirihluta í Southland Corporation, eiganda Seven Eleven. Fyrirtækið var endurnefnt Seven & i árið 2005 eftir ásakanir um ólöglegar greiðslur til meðlima japanskra gengja en Masatoshi sagði sig úr embætti innan stjórnar fyrirtækisins vegna þessa árið 1992. Hann hélt þó sæti sem heiðursformaður.

• Blogga um frétt