Keppast um að verða fyrstir að drónanum
Setja bókamerki
Rússar hyggjast nú reyna að sækja bandarískan dróna sem féll í Svartahaf. Rússar hafa verið sakaðir um það að fljúga herþotu á drónann og með því stækka átakasvæðið vegna stríðsins í Úkraínu. Um leið reyna Bandaríkjamenn að koma í veg fyrir að dróninn komist í hendur Rússa.
Haft er eftir yfirmanni öryggisráðs Rússa, Níkólaí Patrúsjev, að nauðsynlegt sé að ná í drónann og verja sjálfstæði Rússlands. Þá sé flug drónans sönnun þess að Bandaríkjamenn taki þátt í átökunum í Úkraínu.
Eldsneyti yfir drónann
Bandaríski herinn hefur sagt athæfi Rússa í háloftunum vera háskalegt og ófaglegt. Árekstur þotunnar við drónann hefði getað orðið til þess að þotan myndi hrapa.
Þá halda Bandaríkjamenn því fram að dróninn, sem er af gerðinni MQ-9 Reaper, hafi verið að sinna venjubundnum aðgerðum yfir alþjóðlegu hafsvæði. MQ-Reaper drónar geta borið flugskeyti og leysistýrðar sprengjur.
Herinn segir rússnesku herþotuna hafa látið eldsneyti rigna á drónann og síðan rekist á hann með þeim afleiðingum að hann hrapaði í Svartahaf.
„Atvikið með bandaríska drónann MQ-9 Reaper sem Rússar ögruðu yfir Svartahafi sýnir að Pútín er tilbúinn að víkka út deiluna og fá fleiri að borðinu,“ segir Oleksí Danílov, ráðherra þjóðaröryggis- og varnarmála í Úkraínu, um málið í yfirlýsingu á samfélagsmiðlum.
„Tilgangurinn með þessu athæfi er að auka hættustigið,“ bætir hann við.
60 þúsund byggingar taldar í hættu
Rannsókn lögreglu á banaslysi aftur hjá ákærusviði
Ísland mun styðja við uppbyggingu í lok stríðs
Ráðamenn þurfa að hafa búið áður á staðnum
Hóflega bjartsýn á að samningar náist
Þingmenn stjórnarflokkanna funda á Þingvöllum
Þyngra en tárum taki
Gular viðvaranir víða um land