Viðurkennir að refsiaðgerðir gætu haft neikvæð áhrif
Setja bókamerki
Tengdar fréttir
Úkraína
Vladimír Pútín Rússlandsforseti viðurkenndi í dag að refsiaðgerðir annarra þjóða gætu haft neikvæð áhrif á rússneskt samfélag. Hingað til hefur Pútín haldið því fram að Rússland hafi aðlagast nýjum raunveruleika og að refsiaðgerðirnar hafi ekki haft marktæk áhrif á þjóðina.
Vestrænar þjóðir hafa beitt Rússland refsiaðgerðum eftir að innrás Rússa í Úkraínu hófst fyrir rúmu ári og hafa þær sérstaklega beinst að útflutningi landsins á olíu og gasi.
Á sjónvarpsútsendum fundi með ríkisstjórn, sagði Pútín atvinnuleysi aldrei hafa verið lægra í landinu og að búist væri við að verðbólga myndi lækka um fjögur prósent.
„Við þurfum að styðja og styrkja jákvæða þróun í efnahagslífi okkar“ sagði Pútín og biðlaði til ríkisstjórnarinnar að hafa hraðar hendur án ónauðsynlegra tafa og skrifræðis.
Tengdar fréttir
Úkraína
Reyndi ekki að liðka fyrir lausn deilunnar
Karlar á bótum bak við flest brotanna
Myndir: Víða tjón eftir kröftuga vindhviðu
Bílstjórinn dæmdur fyrir að verða Ibrahim að bana
Sektir innheimtar áfram þrátt fyrir afplánun
„Verstu fjöldaárásir í sögu Svíþjóðar“