Sakfelling hindrar ekki Trump í að gefa kost á sér
Setja bókamerki
Donald Trump fer fyrir rétt á þriðjudaginn 4. apríl samkvæmt fréttastofu BBC. Fyrrverandi Bandaríkjaforsetinn neitar allri sök og mun ekki vera leiddur fyrir rétt í handjárnum að sögn Joe Tacopina, lögmanns hans. Ólíklegt er að hann hljóti fangelsisvist og engin lagaákvæði óheimila honum að gefa kost á sér í forsetakjöri, verði hann sakfeldur.
Trump var í gær ákærður í tengslum við meintar mútugreiðslur til klámmyndaleikkonunnar Stormy Daniels, sem réttu nafni heitir Stephanie Clifford. Greiðslan í sjálfu sér er ekki ólögleg en saksóknari segir það fölsun á viðskiptaskrá að greiðsla Trump til Daniels var gerð í gegnum lögfræðing hans og merkt sem lögfræðikostnaður.
Einnig brýtur það mögulega í bága við kosningalög, þar sem Trump er sakaður um að hafa greitt Daniels fyrir þögn hennar, til að meint ástarsamband þeirra myndi ekki skaða fylgi hans í kosningunum.
Ætti að mestu fjögurra ára fangelsisdóm yfir höfði sér
Fölsun á viðskiptaskrá telst vægari glæpur í New York-ríki, en takist að sanna að hann hafi brotið kosningalög, gildir það við alríkislög sem er talsvert alvarlegra.
Verði Trump sakfelldur glæp er þó ekkert sem hindrar hann í að gefa kost á sér í forsetakosningunum á ný, jafnvel á meðan hann er bak við lás og slá. Sérfræðingar telja þó ólíklegt að Trump verði fangelsaður, en jafnvel þó hann hafi gerst brotlegur við alríkislög á hann í mesta lagi fjögurra ára fangelsisvist yfir höfði sér.
Þess má geta að í 48 ríkjum eru lög í gildi sem með einum eða öðrum hætti hindra eða banna einstaklingum, sem hafa gerst brotlegir við alríkislög að kjósa.
Í sjokki þegar þau sáu konuna í sjónum
Best að skella á og hringja strax í bankann
Þriðja tilboðið hugsanlega á leiðinni
Tjón eftir úrkomumet: „Landslagið er gjörbreytt“
Íranir hafna allri aðild að banatilræðinu
J.D. Vance varaforsetaefni Trumps
Við höfum „runnið til baka niður brekkuna“
/frimg/1/49/73/1497352.jpg)
Hvorki Rubio né Burgum verða varaforseti