Rússar efla herinn við landamæri Finnlands
Vladimír Pútín Rússlandsforseti.
AFP/Gavríl Grígorov
Setja bókamerki
Rússar ætla sér að efla herinn í Rússlandi við landamæri Finnlands vegna inngöngu Finna í Atlantshafsbandalagið (NATO).
Jens Stoltenberg, framkvæmdastjóri NATO, greindi frá því í dag að Finnland yrði 31. ríki bandalagsins á morgun, þriðjudag.
„Við ætlum að styrkja herdeildir okkar í vestri og norðvestri,“ segir varautanríkisráðherra Rússlands, Alexander Grúskó, við rússneska ríkismiðilinn RIA Novosti.
„Ef til þess kemur að önnur NATO-ríki flytji hermenn og aðföng á landsvæði Finnlands, munum við grípa til frekari ráðstafana til þess að tryggja hernaðaröryggi Rússlands,“ segir Grúskó.
Landamæri Rússlands og Finnlands eru 1.300 kílómetrar að lengd.
Guðlaugur býður sig ekki fram til formanns
Tíu látnir í Svíþjóð
Svona er plan ríkisstjórnarinnar
„Skammast mín alveg verulega“
Illviðri spáð á morgun
Vilja halda í bíóhúsið
„Nýbyggingar ekki í uppáhaldi hjá okkur“