Segja „hryðjuverkaárásina“ skipulagða af Úkraínu og samtökum Navalnís
Setja bókamerki
Rússar segja að „hryðjuverkaárásin“ sem varð Vladlen Tatarskí að bana í Péturborg í Rússlandi í gær hafi verið skipulögð af yfirvöldum í Úkraínu með aðstoð stjórnarandstæðingsins Alexei Navalní.
„Hryðjuverkaárásin var skipulögð af leyniþjónustu Úkraínu með aðstoð svokallaðrar Stofnunar gegn spillingu,“ segir í tilkynningu frá rússnesku nefndinni gegn hryðjuverkum, og er átt við samtök Navalnís.
Talsmaður samtaka Navalnís neitar ásökunum.
Sprengjan geymd í styttu
Daraja Trepova hefur verið handtekin grunuð um að hafa komið styttu fyllta af sprengjuefni til Tatarskís á kaffihúsi. Sprengjan sprakk með þeim afleiðingum að Tatarskí lést og fjöldi annarra særðist.
Tatarskí hélt úti einu helsta bloggi Rússlands tileinkuðu stríðsátökum og var mikill stuðningsmaður innrásar Rússlands í Úkraínu.
Úkraínumenn segja að árásin hafi verið afleiðing innanríkisdeilna í Rússlandi.
Myndir: Víða tjón eftir kröftuga vindhviðu
Sögðust hafa vissu um að hægt væri að ganga lengra
Fimm skotnir við skóla í Svíþjóð
Svona er plan ríkisstjórnarinnar
Gætu fallið frá því að leggja á komugjöld
„Pólitískur hráskinnaleikur“ kom í veg fyrir samning
Bílstjórinn dæmdur fyrir að verða Ibrahim að bana