Félagsmálaráðherrann gagnrýndur vegna styrktarsjóðs

Mar­lene Schiappa, fé­lags­málaráðherra Frakk­lands, er sökuð um að hafa misnotað fjármuni sem voru í styrktarsjóði sem hefur það hlutverk að berjast gegn öfgastefnu. Schiappa var gagnrýnd fyrr í vikunni fyrir að birt­ast á forsíðu tíma­rits­ins Play­boy.

Frétt af mbl.is

Félagsmálaráðherra á forsíðu Playboy

Sjóðurinn sem um ræðir var stofnaður af frumkvæði Schiappa er hún starfaði í innanríkisráðuneytinu og hefur að geyma um 2,5 milljónir evra, eða um 370 milljónir íslenskra króna. 

Styrktarsjóðurinn nefnist Marianne-sjóðurinn og var stofnaður eftir að sögukennari Samuel Paty var afhöfðaður árið 2020 af átján ára pilti. Paty hafði tíu dög­um áður rætt við fram­halds­skóla­nem­end­ur sína og sýnt þeim skop­mynd­ir af Múhameð spá­manni.

Frétt af mbl.is

Árásarmaðurinn bað nemendur að benda á kennarann

Blaðamenn France 2 efast hins vegar um vinnu góðgerðasamtaka sem hafa fengið mikla fjármuni úr sjóði Schiappa. 

Innanríkisráðuneytið endurskoðar nú styrkveitinguna og þá staðfestu saksóknarar í París við AFP-fréttaveituna að verið væri að rannsaka kvörtun sem barst frá nefnd ríkisstjórnarinnar gegn öfgastefnu. 

Fjölskyldumeðlimir Paty sögðust í gær vera afar sorgmæddir yfir fréttunum. „Nafn Samuel Paty ætti aldrei að vera notað sem verkfæri í slíkum áformum.“

Peningarnir fóru í að greiða tveimur mönnum

Er sjóðurinn var stofnaður sagði Schiappa að hann væri ætlaður „fólki og stofnunum sem efla gildi lýðveldisins og vinna gegn aðskilnaðarsinnum, sérstaklega á samfélagsmiðlum“.

Ekki er talið að flokkur ráðherrans hafi brotið nein lög um hvernig fjármununum var útdeilt. 

Góðgerðarsamtökin sem um ræðir nefnast USEPPM. Talið er að samtökin hafi notað fjármuni til gerðar myndskeiða og færslna á samfélagsmiðlum sem að færri en 50 manns sáu. Fjármunirnir fóru aðallega í að borga tveimur leikstjórum.

Cyril Fergon, lögmaður USEPPM, sagði AFP-fréttaveitunni að slíkar greiðslur færu gegn reglum samtakanna. 

Annar leikstjóranna, Mohamed Sifaoui, tísti að hann færi í mál við hvern sem reyndi að sverta orðspor hans. 

• Blogga um frétt