Leiðtogar í öldungadeild Bandaríkjaþings fordæma handtöku Rússa á bandaríska blaðamanninum Evan Gershkovich og krefjast þess að hann verði látinn laus.

Gershkovich var handtekinn af rússneskum yfirvöldum í seinustu viku en í dag var hann formlega ákærður af rússneskum yfirvöldum fyrir njósnir í þágu Bandaríkjanna.

Frétt af mbl.is

Blaðamaður handtekinn af Rússum fyrir njósnir

Joe Biden Bandaríkjaforseti kallaði einnig eftir því að Gershkovich yrði látinn laus og lýsti handtökunni sem „fáránlegri“.

„Blaðamennska er ekki glæpur“

„Við fordæmum harkalega þetta óréttláta gæsluvarðhald á Evan Gershkovich, sem er bandarískur ríkisborgari og blaðamaður hjá The Wall Street Jornal,“ kemur fram í yfirlýsingu frá Chuck Schumer og Mitch McConnell, sem eru leiðtogar meirihlutans og minnihlutans í öldungadeildinni.

Þeir segja að rússnesk yfirvöld séu viljandi að reyna að „ógna, bæla niður og refsa“ sjálfstæðum blaðamönnum.

„Höfum eitt á hreinu. Blaðamennska er ekki glæpur,“ lýsa þeir yfir. „Við krefjumst þess ásakanirnar gegn honum, sem eru uppskáldaðar og á engu byggðar, verði felldar niður og að hann verði samstundis látinn laus.“

Tengdar fréttir

Úkraína

Hótar Bretum og Bandaríkjamönnum

• Segir að Rússar séu að nota Úkraínu sem tilraunasvæði
• Skutu langdrægri eldflaug í átt að Úkraínu
• Vinaþjóðir Úkraínu kyndi undir „sálfræðihernað“ Rússa
• Fordæma ákvörðun um jarðsprengjur

» Fleiri tengdar fréttir

Rússland

Segir að Rússar séu að nota Úkraínu sem tilraunasvæði

• Hafði áður gagnrýnt rússnesk stjórnvöld
• Segir afstöðu Trumps margslungnari
• Misþyrmt og fangelsaður fyrir ljóðlestur
• Pútín reynir að stækka vinahringinn

» Fleiri tengdar fréttir

• Blogga um frétt