Systur létust í skotárás á Vesturbakkanum
Setja bókamerki
Tvær ísraelskar systur létust og móðir þeirra er alvarlega slösuð eftir skotárás á Vesturbakkanum í dag, nokkrum klukkustundum eftir að Ísraelsmenn skutu eldflaugum á Gasaströndina og Líbanon.
Ástandið á svæðinu hefur ekki verið eins óstöðugt í langan tíma í kjölfar átaka milli Palestínumanna og ísraelsku lögreglunnar sem gerði áhlaup á al-Aqsa moskuna í Jerúsalem síðustu tvær nætur.
Al-Aqsa moskan er í austurhluta Jerúsalem á Musterishæð. Svæðið er helgur staður bæði fyrir gyðinga og múslima en þar hefur síðustu áratugi margsinnis komið til átaka á milli trúarhópanna.
Þá var á fjórða tug eldflauga skotið frá Líbanon til Ísraels í gær. Var það í fyrsta sinn í tæpt ár sem eldflaugum hefur verið skotið frá Líbanon til Ísrael. Ísraelski herinn telur að palestínskir málaliðar hafi staðið að baki árásinni og leita þeirra nú.
Skotnar í bíl sínum
Borgarstjóri Efrat á Vesturbakkanum greindi frá því að konurnar sem létust voru systur og að sú þriðja sem er alvarlega slösuð er móðir þeirra.
Ísraelski herinn greindi frá því að konurnar voru skotnar er þær óku bifreið sinni í Jórdan-dalnum.
Enginn hefur enn borið ábyrgð á skotárásinni.
„Frumskylda mín að huga að börnunum mínum“
Ólíklegt að nokkur hafi komist lífs af
Momika myrtur í beinni á TikTok
Leggur fram innanhústillögu í kjaradeilu kennara
Ryðja strax hindrunum úr vegi
Svona vill almenningur hagræða ríkisrekstri
Pelicot yfirheyrður vegna óupplýstra mála
Húsinu verði fundinn annar staður