Tveir þingmenn Demókrataflokksins í Tennessee-ríki voru leystir frá störfum af ríkisþinginu eftir að þeir tóku þátt í mótmælum þar sem krafist var hertari byssulöggjöf. 

Frétt af mbl.is

Keypti sjö skot­vopn í að­draganda á­rásarinnar

Mótmælin voru haldin í kjölfar skotárásar í barnaskóla í Nashville í lok mars þar sem sex manns létu lífið. 

Joe Biden Bandaríkjaforseti fordæmdi brottrekstur þingmanna og sagði að verið væri að reyna að „refsa, þagga niður í og reka réttkjörna fulltrúa íbúa Tennessee“. 

Þingmennirnir voru hluti af þríeyki sem eru þekkt sem „Tennessee þríeykið“, líkt og hljómsveitin sem fylgdi tónlistarmanninum Johnny Cash. 

Stóðu fyrir háværum mótmælum í þingsal

Þríeykið stóð fyrir háværum mótmælum í þingsal fyrir viku síðan. Þau voru sökuðu um brot á  þingsköpum og siðareglum þingsins.

Justin Pearson og Justin Jones sjást aftast á myndinni. Seth Herald/AFP

Demókratarnir Justin Jones og Justin Pearson hafa verið leystir frá störfum en Gloria Johnson heldur sæti sínu.

Jones og Pearson eru báðir svartir á hörund og voru yngstu þingmenn ríkisþingsins. Johnson er hins vegar hvít á hörund og leiddi ekki mótmælin. 

Fleiri hundruð manna komu saman, þar á meðal þingmennirnir, í þinginu fyrir viku síðan til að mótmæla byssulöggjöfinni. 

Fleiri hundruð manna komu saman, þar á meðal þingmennirnir, í þinginu fyrir viku síðan til að mótmæla byssulöggjöfinni. AFP/Seth Herald

Tengdar fréttir

Skotárás í Nashville

Keypti sjö skot­vopn í að­draganda á­rásarinnar

• Myndband sýnir lögregluþjóna skjóta árásarmanninn
• Meira en ein fjöldaskotárás á dag
• Skildi eftir stefnuyfirlýsingu
• Árásarmaðurinn ung kona

» Fleiri tengdar fréttir

• Blogga um frétt