Úkraínumenn flytja aftur út rafmagn
Reykur umlykur rafmagnslínur í Kænugarði, höfuðborg Úkraínu, eftir flugskeytaárás Rússa fyrir mánuði síðan.
AFP/Sergei Supinskí
Setja bókamerki
Úkraínumenn geta núna í fyrsta sinn í sex mánuði selt rafmagn til annarra þjóða.
Rússar hófu árásir á orkuinnviði Úkraínu í október í fyrra og leiddu þær til rafmagnsleysis víða um landið í vetur.
Úkraínumenn þurftu fyrir vikið að hætta að flytja út rafmagn og er það fyrst núna sem þeir geta gert það á nýjan leik, að því er BBC greindi frá.
Herman Halushchenko, orkumálaráðherra Úkraínu, undirritaði tilskipun sem heimilar útflutninginn. Heimamenn verða þó áfram í forgangi þegar kemur að því að deila út rafmagni.
Ráðherann segir að framleiðsla á rafmagni í landinu hafi verið umfram það sem Úkraínumenn hafa haft not fyrir síðastliðna tvo mánuði.
„Erfiðasti veturinn til þessa er liðinn,“ sagði Haluschchenko.
Samþykkt að fjölga lögreglumönnum
Upplýsti ekki um veikindin
Svona er plan ríkisstjórnarinnar
„Leiðinleg og erfið staða“
Sverri og Snorra báðum gert að greiða 1,1 milljarð
Mikill vatnselgur og verður út vikuna
„Pólitískur hráskinnaleikur“ kom í veg fyrir samning
Kosningarnar standa