Feðgin drepin í flugskeytaárás Rússa
Setja bókamerki
Fimmtugur maður og ellefu ára dóttir hans fórust þegar rússnesk flugskeyti lentu á húsi í borginni Zaporizhzhia í suðausturhluta Úkraínu.
„Óvinurinn efndi til flugskeytaárásar á Zaporizhzhia og drap enn eina úkraínsku fjölskylduna,“ sagði Sergí Kruk, yfirmaður almannavarna, á samfélagsmiðlum.
Móðirin komst lífs af
Stúlkan lést í sjúkrabíl, að sögn forseta borgarráðs, Anatolí Kurtiev.
Björgunarsveitir drógu 46 ára móður stúlkunnar út úr húsarústunum og komst hún lífs af úr árásinni. Eldri dóttir hennar var ekki heima hjá sér þegar árásin var gerð.
Að sögn Kurtiev lentu tvö rússnesk flugskeyti á íbúðabyggingunni. Bætti hann við að gluggar og þök hefðu skemmst í tugum nærliggjandi húsa.
Zaporizhzhia er eitt af fjórum héruðum Úkraínu sem Vladimír Pútín Rússlandsforseti sagðist hafa innlimað á síðasta ári.
Guðlaugur býður sig ekki fram til formanns
Svona er plan ríkisstjórnarinnar
Greiða atkvæði um ótímabundin verkföll í dag
„Ég hef ekki lesið mína eigin bók“
Kosningarnar standa
Samþykkt að fjölga lögreglumönnum
Landris nálgast nú einn metra
Bjóst ekki við að fá Grammy