Kínverski herinn segist hafa lokið „árangursríkum“ heræfingum í kringum Taívan. Æfingarnar stóðu yfir í þrjá daga.

Frétt af mbl.is

Kínverjar æfðu árásir á Taívan

Litið var á æf­ing­arn­ar sem aðvör­un til rík­is­stjórn­ar eyj­unn­ar eft­ir að for­seti Taívans fundaði með for­seta full­trúa­deild­ar Banda­ríkjaþings. Kín­versk stjórn­völd for­dæmdu fund­inn. 

Rússar ánægðir með æfingarnar

Rússnesk stjórnvöld fagna heræfingunum og segja það vera rétt Kínverja sem fullvalda ríki að bregðast við því sem Rússar segja „ögrandi athæfi“.

„Við höfum margoft orðið vitni af ögrandi athæfi þegar kemur að hegðun þeirra gagnvart kínverska lýðveldinu,“ sagði Dmitrí Peskov, talsmaður Kremlar, og átti við Taívan. 

Kínversk herþota tekur á loft frá flugmóðurskipi í Kyrrahafi. AFP

„Kína hefur sem fullvalda ríki rétt á því að bregðast við þessu ögrandi athæfi, þar á meðal með hernaði sem samræmist alþjóðlegum lögum.“

Frétt af mbl.is

Kínverjar hefja heræfingar í kringum Taívan

Taívan hefur búið yfir sjálfsstjórn frá borgarastríðinu árið 1949 og líta Taívanar á landið sem fullvalda ríki. Þeir hafa eigin mynt, stjórn- og dómskerfi, en hafa aldrei lýst formlega yfir sjálfstæði.

Tengdar fréttir

Taívan og Kína

Innleiða dauðarefsingu fyrir að styðja Taívan

• Frekari ögrun leiðir til hertra aðgerða
• Forseti Taívans: Frelsi og lýðræði í fyrirrúmi
• Her Taívans bregst við heræfingum Kínverja
• Heitir því að vernda lýðræði Taívan

» Fleiri tengdar fréttir

• Blogga um frétt