Lítil grafa flutt inn á rannsóknarsvæðið

Lögreglan í Danmörku hefur látið flytja inn litla gröfu á svæðið sem er til rannsóknar í tengslum við hvarf hinnar 13 ára gömlu Filippu í bænum Kirkerup.

Ekkert hefur spurst til stúlkunnar sem hvarf við blaðaútburð í heimabæ sínum í gær. 

Þetta kemur fram á vef TV2 en fréttaritari þeirra á staðnum myndaði gröfuna, sem var flutt inn á svæðið í bílakerru. Lögreglan tilkynnti í morgun að málið væri nú rannsakað sem sakamál.

Lögreglan hefur kallað til blaðamannafundar, klukkan 13 að íslenskum tíma. Deildi lögregla nýrri mynd af Filippu rétt í þessu þar sem sést hvernig hún var klædd þegar hún hvarf.