Dominic Raab segir af sér embætti

Dominic Raab, varaforsætisráðherra Bretlands, hefur sagt af sér embætti, innan við sólarhring eftir að skýrsla var birt í tengslum við ásakanir á hendur honum um að hann hafi komið illa fram við aðra opinbera starfsmenn.

Raab, sem hættir einnig sem dómsmálaráðherra Bretlands, sagðist í yfirlýsingu vísa á bug öllum nema tveimur ásökunum á hendur honum.

Hann sagði einnig að með afsögninni ætti hann auðveldara með að takast á við niðurstöður skýrslunnar. 

Raab var meðal annars sakaður um að hafa lagt undirmenn sína í einelti.

• Blogga um frétt