Segir átökin geta breiðst út fyrir landamærin
Setja bókamerki
Antonio Guterres, framkvæmdastjóri Sameinuðu þjóðanna, varaði við því að vopnuð átök í Kartúm, höfuðborg Súdan, gætu breiðst út fyrir landamæri Afríkuríkisins. Þetta kom fram í máli hans er hann ávarpaði fund Öryggisráðs SÞ í dag.
Minnst 427 hafa látið lífið og um fjögur þúsund særst í vopnuðu átökum milli hers Súdan og uppreisnarhers RSF sem hófust þann 15. apríl.
„Ofbeldið verður að taka enda,“ sagði Guterres sem kveðst vera í stöðugum samskiptum við stríðandi fylkingar. Hefur hann kallað eftir því að vopnahlé verði gert á átökunum og að fulltrúar fylkinganna setjist aftur við samningaborðið.
Ætla ekki að yfirgefa Súdan
Volker Perthes, sérstakur fulltrúi SÞ í Súdan mun vera um kyrrt þrátt fyrir fjöldaflótta erlendra ríkisborgara úr landinu. Á fundi Öryggisráðsins sagði Guterres það alveg á hreinu að Sameinuðu þjóðirnar ætluðu ekki að yfirgefa Súdan.
„Við erum skuldbundin íbúum Súdan, við styðjum óskir þeirra um friðsamlega og örugga framtíð. Við stöndum með þeim á þessum hræðilegu tímum,“ bætti hann við.
Dómur þyngdur um þrjú ár
Sjötti ferðamaðurinn er látinn
/frimg/1/53/8/1530849.jpg)
Fatlaður drengur fær ekki þjónustu í verkfalli
Vegirnir voru eins og borðstofuborð
Hentugt gos fyrst gýs á annað borð
Ekki vandamál að vera karlmaður
Pútín reynir allt til að forðast aðra herkvaðningu