Einnig ákærður fyrir morðið á Emilie Meng

Danska lögreglan kallaði til blaðamannafundar í dag vegna rannsóknar hennar á hinum ákærða í máli 13 ára gömlu Filippu. Á fundinum tilkynnti lögregla að maðurinn hefði einnig verið ákærður fyrir morðið á hinni 16 ára Emilie Meng, en mál hennar hefur verið óupplýst síðan árið 2016.

Frétt af mbl.is

Hinn ákærði í máli Filippu til rannsóknar í óupplýstu máli

Maðurinn er ákærður fyrir nauðgun og frelsissviptingu gagnvart Filippu, en stúlkan hvarf við blaðaútburð í bænum Kirkerup. Hún fannst á lífi á heimili mannsins, sem er 32 ára, á heimili í bænum Korsör og var hann handtekinn á staðnum.

Frétt af mbl.is

Filippa fundin á lífi

Emilie Meng sást síðast á lífi við lestarstöð í heimabæ sínum í Korsör. Hún fannst látin fjórum mánuðum síðar í mýri í bænum Borup. 

Vilja ekki tjá sig um sönnunargögn

Lög­regla fékk ábend­ing­ar um silf­ur­litaða Hyundai i30 bif­reið fyr­ir utan lest­ar­stöðina í Kors­ör á þeim tíma sem Em­ilie hvarf og lýstu eft­ir því að ná tali af bíl­stjór­an­um. Maðurinn sem um ræðir keyrði slíkan bíl á þeim tíma sem Emilie hvarf, en bíllinn hefur síðan verið seldur til Slóvakíu. 

Danska lögreglan hefur haft bílinn til rannsóknar sem sönnunargagn í máli Emilie, en lögreglan vill hvorki tjá sig um hvaða sönnunargögn hafa leitt til þess að maðurinn var ákærður fyrir morðið á Emilie, né um sakaferil mannsins.

 „Við þurfum að geta unnið með þessi sönnunargögn án þess að greina frá þeim strax.“

Ákærður fyrir árás á annarri stúlku

Að sögn lögreglustjórans, Kim Kliver, er maðurinn ekki aðeins ákærður máli Filippu og frelsissviptingu og morðið á 17 ára Emilie, heldur einnig fyrir líkamsárás með hníf, tilraun til frelsissviptingar og tilraun til nauðgunar á ungri stúlku í Sorø í fyrra.

Að sögn TV2 er um að ræða ungan framhaldsskólanema, en hún veitti mikla mótspyrnu og slapp naumlega frá árásarmanninum.

Maðurinn neitar allri sök í málunum samkvæmt lögfræðingi hans, Karina Skou, í samtali við TV2.

• Blogga um frétt