Síðustu vikur martröð fyrir Sturgeon
Setja bókamerki
Nicola Sturgeon, fyrrverandi forsætisráðherra Skotlands, segir erfitt að mega ekki segja frá sinni hlið. Handtaka eiginmannsins hafi verið sér mikið áfall og atburðarásin eins og hin versta martröð.
Eiginmaður Sturgeon, Peter Murrell, var handtekinn 5. apríl síðastliðinn vegna rannsóknar skosku lögreglunnar á fjármálum flokksins. Murrell er fyrrverandi framkvæmdastjóri flokksins.
Erfitt að geta ekkert sagt
Til rannsóknar er meðferð 600 þúsund punda eða 105,3 milljóna króna sem bárust í styrkjum til flokksins vegna þjóðaratkvæðagreiðslu um sjálfstæði Skotlands og kosningabaráttunnar þar í kring.
Framkvæmdastjórinn fyrrverandi var yfirheyrður í ellefu klukkustundir vegna málsins og sleppt í kjölfarið. Lögreglan gerði húsleit á heimili þeirra Nicolu Sturgeon, fyrrverandi forsætisráðherra Skotlands. Þá tók lögregla einnig skjöl úr húsakynnum flokksins í Edinborg vegna málsins.
Á heimili sínu við Hollyrood í dag sagðist Stugeon pirruð yfir því að geta ekki greint frá sinni hlið á málinu.
Vissi ekkert
Þá segist hún vitaskuld ekki hafa vitað af því sem væri handan við hornið þegar hún sagði sig úr embætti. Hún sagði af sér um miðjan febrúar.
„Ég skil þau sjónarmið sem sumt fólk hefur, að ég hafi vitað um allt það sem væri að fara að gerast og þess vegna hafi ég hætt. Það gæti ekki verið fjær sannleikanum. Ég gæti ekki hafa séð fyrir í mínum verstu martröðum það sem hefur gerst á síðustu vikum,“ sagði Sturgeon.
Bjarni: „Útilokað að þetta geti gengið upp“
Beint: Ný ríkisstjórn tekin við völdum
Alvarleg netárás á Wise
Skattamál verði líklega „þeirra mesta klemma“
Forstjóri bendir á ábyrgð birgja vegna verðhækkana
Ný ríkisstjórn kynnt á morgun
