Erlent | mbl | 4.5.2023 | 10:25 | Uppfært 12:31

Selenskí kallar eftir sérstökum stríðsglæpadómstól

Volodimír Selenskí Úkraínuforseti er nú í heimsókn hjá Alþjóðasakamáladómstólnum í Haag. AFP/Remko de Waal

Volodimír Selenskí Úkraínuforseti er nú í heimsókn hjá Alþjóðasakamáladómstólnum í Haag. Hann kallaði eftir sérstökum stríðsglæpadómstól þar sem Rússar yrðu gerðir ábyrgir fyrir glæpum sínum.

Dómstólinn gaf út handtökuheimild á Vladimír Pútín Rússlandsforseta í mars vegna stríðsglæpa í Úkraínu. Þá greindu rússnesk stjórnvöld frá því í gær að tveir árásardrónar hafi verið skotnir niður sem beint var gegn híbýlum forsetans í Kreml. Selenskí vísaði ásökum Rússa um banatilræðið á bug.

Frétt af mbl.is

Segjast hafa stöðvað banatilræði við Pútín

Selenskí mun funda með Mark Rutte, forsætisráðherra Hollands, og Kajsa Ollongren, varnarmálaráðherra Hollands, í dag.

Selenskí kallaði eftir sérstökum stríðsglæpadómstól þar sem Rússar yrðu gerðir ábyrgir fyrir glæpum sínum. AFP/Phil Nijhuis

Drónaárásir í nótt

Borgaryfirvöld í Kænugarði og Moskvu greindu frá drónaárásum í nótt, meðal annars kviknaði í rússneskum olíuhreinsunarstöðvum vegna árásanna.

Flugher Úkraínu sagði að Rússar hafi flogið 24 árásardrónum til Úkraínu. Loftvarnir Úkraínu í Kænugarði skutu niður 18 þeirra. Að sögn yfirvalda særðist enginn. Um er að ræða þriðja daginn í þessum mánuði sem Rússar reyna árásir á Kænugarð.

Þá greindu Rússar frá drónaárás í Krasnodar-héraði í suðri og kviknaði þar í olíuhreinsunarstöð.

Stuttu síðar greindi héraðsstjóri Rostov, sem á landamæri að Rússlandi, að drónaárás hafi verið gerð á olíuhreinsunarstöð nærri bænum Kiselevka sem olli sprengingu og eldi.