Rússneski skáldsagnahöfundurinn Zakhar Prilepin særðist eftir sprengjuárás sem var gerð í Nizhny Novgorod-héraði í Rússlandi í dag, að því er kemur fram í tilkynningu frá innanríkisráðuneyti Rússlands.

Að minnsta kosti einn fórst í árásinni.

Prilepin er hliðhollur rússneskum stjórnvöldum og innrásinni í Úkraínu. Hann gekk til liðs við aðskilnaðarsinna vegna Krímskaga árið 2014 og barðist við hlið þeirra í átökunum. 

Zakhar Prilepin skáldsagnahöfundur. AFP

Árásin í dag var gerð á ökutæki sem Prilepin var í ásamt fjölskyldu sinni. Hann særðist á fæti en er ekki í lífshættu. Rússar segja að Úkraína beri ábyrgð á verknaðinum og líta á hann sem hryðjuverk.

Fleiri árásir hafa verið gerðar í Rússlandi síðustu vikur og hafa þær flestar verið gerðar fjarri vígstöðvum. Í apríl lést Vladlen Tatarsky sem hélt úti einu helsta bloggi Rússlands tileinkað stríðsátökum eftir sprengjuárás á kaffihús í Pétursborg. Tatarsky var mikill stuðningsmaður innrásar Rússlands í Úkraínu.

Frétt af mbl.is

Einn látinn eftir sprengingu í Pétursborg

Tengdar fréttir

Úkraína

Norðurkóreskir hermenn kallaðir til baka frá víglínunni

• Mögulegar samningaviðræður en ekki við Selenskí
• Enginn úr ríkisstjórn Trumps verið í sambandi við Rússa
• Yfirgefi svæðin þegar í stað
• Rússar telja ekkert nýtt felast í hótunum Trumps

» Fleiri tengdar fréttir

• Blogga um frétt