Sex mönnum á dönsku skipi bjargað frá sjóræningjum

Sex mönnum, sem sjóræningjar rændu af dönsku olíuflutningaskipi vest­ur af Port Po­in­te-Noire í Lýðveld­inu Kongó í mars, hefur verið sleppt úr haldi.

Frétt af mbl.is

Sjóræningjar um borð í dönsku skipi

Danska skipafélagið Monjasa, eigandi skipsins, greindi frá því í yfirlýsingu að mennirnir séu nú öruggir, eftir að hafa verið látnir lausir í Nígeríu. 

Danska ríkisútvarpið greinir frá því að enginn mannanna sé danskur ríkisborgari. 

Í yfirlýsingunni sagði að mennirnir væru við góða heilsu þrátt fyrir lífsreynsluna. Þeir hafa gengist undir læknisskoðun og eru nú á leið til heimalanda sinna. 

Óljóst er hvort skipafélagið greiddi lausnargjald vegna málsins. 

• Blogga um frétt