Volodimír Selenskí, forseti Úkraínu, mun ferðast til Berlínar, höfuðborgar Þýskalands, á morgun. Þetta herma heimildir AFP-fréttastofunnar. Hann er nú staddur í Róm þar sem hann mun funda með forseta Ítalíu, forsætisráðherranum og páfanum.

Á þriðjudaginn og miðvikudaginn í næstu viku verður leiðtogafundur Evrópuráðsins haldinn í Hörpu í Reykjavík. Um 40 þjóðarleiðtogar hafa boðað komu sína en enginn formlegur listi liggur þó fyrir og má segja að mikil leynd ríki yfir hverjir munu mæta.

Frétt af mbl.is

Selenskí fundar með páfanum í Róm

Emmanuel Macron, forseti Frakklands, og Olaf Scholz, kanslari Þýskalands, hafa þó opinberlega staðfest þátttöku sína á fundinum.

Ekki er vitað hvort að Selenskí muni gera sér ferð til Reykjavíkur í næstu viku en ljóst er að hann verður staddur í Þýskalandi skömmu áður en fundurinn hefst. Hefur hann verið á miklum faraldsfæti undanfarna daga.

Var hann meðal annars óvæntur gestur leiðtogafundar Norðurlandanna í Helsinki fyrr í mánuðinum. Þá var hann skömmu síðar mættur í heimsókn hjá Alþjóðasaka­mála­dóm­stóln­um í Haag.

Frétt af mbl.is

Norræn staðfesta undirstrikuð

Tengdar fréttir

Leiðtogafundur Evrópuráðsins í Hörpu

Fundurinn notaður sem afsökun fyrir vopnavæðingu

• Keypti glock-skammbyssur fyrir 30 milljónir
• Keypti 175 skothelda hjálma á 34 milljónir
• Keypti smellubindi fyrir rúmar 300 þúsund krónur
• Leiðtogafundurinn kostaði skildinginn

» Fleiri tengdar fréttir

• Blogga um frétt