Loftlagsbreytingar auka ekki tíðni fellibylja, en þær hafa áhrif á kraft þeirra og eyðileggingarmátt að sögn vísindamanna hjá Alþjóðlegu veðurfræðisamtökunum (WWA).

„Heildarfjöldi hitabeltisfellibylja á ári hefur ekki breyst á heimsvísu en loftlagsbreytingar hafa aukið tíðni kröftugustu fellibyljanna og þeirra sem valda mestri eyðileggingu,“ segir í skýrslu WWA sem ber nafnið Skýrsla um ofsafengið veðurfar og loftlagsbreytingar (e. Reporting Extreme Weather and Climate Change).

Kröftugustu fellibyljirnir, þeir sem falla undir þriðja til fimmta stig Saffir-Simpsons mælikvarðans, eru orðnir tíðari, að sögn WWA.

Loftlagsbreytingar af mannavöldum hafa áhrif á fellibylji með því að hækka lofthitastig og sjávarhitastig og með því að hækka yfirborð sjávar.

Frétt af mbl.is

Óttast að fellibylurinn gangi yfir flóttamannabúðir

Fellibyljir færist norður

Vísindamenn telja að fellibylir muni koma til með sjást á stærra svæði en áður vegna þess að með hlýrra hitastigi stækkar svæði þar sem hitabeltisaðstæður eru í sjó.

„Fellibylir sem leita nú norðar í Norður-Kyrrahafi en áður eru bein afleiðing af hnatthlýnun,“ segir í skýrslu WWA.

Þar að leiðandi gætu þeir valdið miklu tjóni á stöðum þar sem fólk hefur ekki þurft að glíma við fellibylji í gegnum tíðina.

Tengdar fréttir

Loftslagsvá

„Kæra fullorðna fólk“

• „Börn eru að upplifa holskeflu breytinga“
• Yfir 1.000 jöklar bráðnað í landinu
• „Við erum á leið til glötunar“
• Berjast áfram gegn hlýnun þrátt fyrir sigur Trumps

» Fleiri tengdar fréttir

• Blogga um frétt