Vatíkanið sýnir fordæmalausa samvinnu

Vatíkanið hyggst sína fulla samvinnu með yfirvöldum í Róm til að reyna að varpa frekara ljósi á mannshvarf sem varð fyrir 40 árum.

Mun það vera í fyrsta skipti sem Vatíkanið sýnir lögregluyfirvöldum fulla samvinnu við það að upplýsa sakamál.

Málið er víðfrægt á Ítalíu og á rætur sínar að rekja til þess þegar 15 ára gömul stúlka að nafni Emanuela Orlandi hvarf sporlaust eftir að hún kom úr tónlistartíma í Róm.

Stúlkan var dóttir starfsmanns Vatíkansins. Í gegnum tíðina hafa verið uppi alls kyns samsæriskenningar um aðkomu Vatíkansins og mafíunnar að hvarfinu.

Ein lífseigasta kenningin er sú að mafían hafi rænt stúlkunni til að setja þrýsting á Vatíkanið að greiða til baka lán sem hafi verið tekið í Páfagarði.

Vatíkanið hefur ekki viljað hjálpla yfirvöldum í sakamálum hingað til. VINCENZO PINTO

 Þáttasería um mannshvarfið

Önnur kenningin er sú að stúlkan hafi verið tekin til að reyna að nota hana í skiptum fyrir lausn Tyrkjans Mehmet Ali Agca, sem reyndi að ráða páfann af dögum í mars árið 1981.

Málið hefur aldrei horfið úr minni Ítala og árið 2022 gaf Netflix út þáttaseríu undir nafninu Vatíkan stúlkan (e. Vatican girl).

Tha Local segir frá. 

• Blogga um frétt