Montana fyrsta ríkið til að banna TikTok
Setja bókamerki
Montana er fyrsta ríki Bandaríkjanna til þess að banna samfélagsmiðilinn TikTok.
Greg Gianforte ríkisstjóri staðfesti ný lög þess efnis í gær. Löggjöfin er hugsuð sem prófraun á allsherjarbanni við notkun TikTok í Bandaríkjunum.
„TikTok verður óvirkt innan lögsögu Montana,“ sagði í yfirlýsingu á opinberri vefsíðu ríkisins.
Ólögmætt verður að fara inn á miðilinn, bjóða aðgang að honum og hala TikTok niður að viðlagðri sekt, allt að tíu þúsund bandaríkjadala, fyrir hvern dag sem brotið er á lögunum. Um er að ræða tæplega eina og hálfa milljón króna.
Þá ber Apple og Google að fjarlægja TikTok úr smáforritaverslunum sínum eða hljóta sektir.
Bannið tekur í gildi 2024
Lögin taka í gildi á næsta ári, en verður afnumið færist TikTok í hendur fyrirtækis í ríki sem ekki er álitið andstæðingur Bandaríkjanna.
TikTok er í eigu kínverska fyrirtækisins ByteDance, en ásakanir hafa verið uppi um að fyrirtækið safni saman upplýsingum um notendur og komi þeim áfram til kínverskra yfirvalda.
Talsmaður ByteDance tjáði AFP-fréttaveitunni að verið væri að skerða tjáningarfrelsi Montana-búa með banninu og að það verði dómstóla að skera endanlega úr lögmæti nýju laganna.
„Við viljum ekki missa unga fólkið okkar þangað“
Fólk sem „vill koma aftur“ hafi skorað á Guðlaug
/frimg/1/54/44/1544474.jpg)
Áslaug býður sig fram í formannssætið
Birtumagn í íbúðir hverfur nánast
Kennarar hafi lagt fram sömu tillögu í breyttri mynd
Kallar eftir algjörri breytingu á heilbrigðiskerfinu
Pabbi gafst bara upp