Handtóku lögregluþjón í tengslum við þingárásina

Lögregluþjónn í Washingtonborg í Bandaríkjunum sem var verðlaunaður fyrir störf sín í tengslum við árásirnar á þinghúsið í janúar 2021 hefur verið handtekinn fyrir samskipti sín við leiðtoga Proud Boys, sem meðal annars skipulögðu téða árás. CNN segir frá þessu.

Lögregluþjónninn Shane Lamond var handtekinn í gær vegna gruns um að hafa villt fyrir rannsóknarlögreglu í tengslum við samskipti sín við einn af leiðtogum Proud Boys, Enrique Tarrio. Á lögreglumaðurinn að hafa varað Tarrio við að til stæði að handtaka hann.

Frétt af mbl.is

„Stoltur strákur“ játar að hafa skipulagt árásina

Alríkissaksóknari segir að Lamond hafi deilt viðkvæmum upplýsingum um rannsóknina á þingárásinni í Washingtonborg til Tario. Einnig hafi hann veitt Tario upplýsingar um rannsókn á því þegar Tarrio brendi Black Lives Matter fána í mótmælum í Washington í desember 2020.

Verjandi Lamonds segir að hann hafi þurft að vera í samskiptum við öfgahópa vegna vinnu sinnar en hafi ekki deilt skoðunum með þeim.

Frétt af mbl.is

Orð Trumps hafi orsakað árásina

• Blogga um frétt