Volodimír Selenskí Úkraínuforseti neitar að Bakhmút hafi fallið í hendur Rússa. Hann segir ekkert vera eftir þar sem borgin stóð nema lík rússneskra hermanna.

Frétt af mbl.is

Wagner-liðar segja Rússa komna með stjórn í Bakmút

Í gærkvöldi óskaði Vladimír Pútín Rússlandsforseti Wagner-liðum og rússneska hernum til hamingju með að hafa náð Bakhmút á sitt vald.

„Þú verður að skilja að það er ekkert [eftir í Bakhmút],“ sagði Selenskí á fundi með G7-ríkjunum í Hiroshima í Japan.

„Í dag er Bakhmút aðeins í hjörtum okkar.“

Talsmaður forsetans skýrir málið

Talsmaður Selenskís tók það fram á samfélagsmiðlum í dag að forsetinn neiti því að borgin sé fallin í hendur Rússa. Selenskí var sjálfur ekki skýr í svörum um þetta þegar hann var spurður um fall borgarinnar á G7-fundinum.

„Það er ekkert þarna, bara rústir og mikið af dauðum Rússum,“ sagði hann við fjölmiðla í Hiroshima.

Tengdar fréttir

Úkraína

Yfirgefi svæðin þegar í stað

• Rússar telja ekkert nýtt felast í hótunum Trumps
• Trump segir Rússa mega búast við frekari aðgerðum
• Fjórir féllu í árás Rússa á Kænugarð
• Rússar sagðir hafa ætlað að ráðast á flugfélög

» Fleiri tengdar fréttir

• Blogga um frétt