Seinni umferð forsetakosninga í Tyrklandi
Setja bókamerki
Búið er að opna kjörstaði í Tyrklandi þar sem fer fram seinni umferð forsetakosninga í landinu í dag. Í fyrri umferðinni, sem fór fram þann 14. maí síðastliðinn, náðu hvorki Recep Tayyup Erdogan sitjandi forseti, né atkvæðamesti móframbjóðandi hans, Kemal Kilicdaroglu, tilskildu lámarki atkvæða eða 50 prósent. Því þarf að kjósa aftur.
Litlu munaði þó í fyrri umferðinni að Erdogan næði þessu lágmarki, en hann hlaut 49,5 prósent atkvæða á meðan Kilicdaroglu hlaut 44,9 prósent atkvæða.
Sinan Ogan, frambjóðandinn sem lenti í þriðja sæti í kosningunum fyrir tveimur vikum, hefur veitt Erdogan, stuðning sinn, en líklegt þykir að stuðningur hans muni tryggja Erdogan endurkjör.
Erdogan hefur gegnt embætti forseta Tyrklands frá árinu 2014 en þar áður var hann forsætisráðherra landsins. Nái hann kjöri í dag tryggir það honum forsetastólinn til ársins 2028.
/frimg/1/41/55/1415512.jpg)
„Má segja að þetta gos hafi þjófstartað“
Hraun fór yfir Grindavíkurveg
„Erum í miðri hrinu“: Styttist í Eldvörp
Myndir: Grindavíkurvegur aftur undir hraun
Beint: Eldgos hafið við Stóra-Skógfell
Virknin dregist saman um 600 metra