Úkraínumenn eru tilbúnir til að efna til gagnsóknar gegn Rússum en óttast mikið mannfall vegna yfirburða þeirra í lofti.

Þetta sagði Volodimír Selenskí Úkraínuforseti í morgun.

Frétt af mbl.is

Gagnsóknin engin silfurkúla

Úkraínumenn hafa í marga mánuði talað um að þeir séu að undirbúa umfangsmikla gagnsókn gegn Rússum en Selenskí hefur ítrekað varað við því að úkraínsk stjórnvöld þurfi meiri tíma og fleiri vopn.

Úkraínskir hermenn. AFP/Anatolii Stepanov

„Mikill fjöldi hermanna mun deyja” ef stjórnvöld í Kænugarði fá ekki vopn til að stöðva Rússa í loftinu, sagði Selenskí.

Rússar hafa gert fjölmargar loftárásir á höfuðborg Úkraínu að undanförnu, þar á meðal einu sinni að degi til, sem er sjaldgæft.

Frétt af mbl.is

Skutu niður 15 flugskeyti og 21 dróna

„Allir vita vel að gagnsókn án yfirburða í lofti er mjög hættuleg,” sagði Selenskí.

„Ímyndið ykkur hvernig hermanni líður sem veit að hann hefur ekkert þak og skilur ekki hvers vegna nágrannaþjóðir hafa það,” bætti forsetinn við.

Hann nefndi að aðeins eitt vopn, bandaríska loftvarnarkerfið Patriot, gæti verndað lofthelgina yfir Úkraínu og óskaði eftir fleiri slíkum til Kænugarðs.

„Raunveruleikinn er sá að 50 Patriots munu, að stóru leyti, koma í veg fyrir að fólk láti lífið.”

Tengdar fréttir

Úkraína

Hótar Bretum og Bandaríkjamönnum

• Segir að Rússar séu að nota Úkraínu sem tilraunasvæði
• Skutu langdrægri eldflaug í átt að Úkraínu
• Vinaþjóðir Úkraínu kyndi undir „sálfræðihernað“ Rússa
• Fordæma ákvörðun um jarðsprengjur

» Fleiri tengdar fréttir

• 1 blogg um fréttina

Bloggað um fréttina

• Guðmundur Jónsson: Zelenskyy þorir ekki heim.