Erlent | AFP | 11.6.2023 | 16:39 | Uppfært 12.6.2023 10:38

Engin leyniskjöl, bara minjagripir

Verjendur Trump segja hann ekki vísvitandi hafa sankað að sér leyniskjölum. AFP/Saul Loeb

Lögfræðingur Donald Trump, fyrrverandi Bandaríkjaforseta, gefur í skyn að skjöl þau sem Trump er ákærður fyrir að hafa haft með höndum, eftir að forsetatíð hans lauk, séu ekki lengur leynileg og hafi í einhverjum tilfellum verið tekin sem minjagripir.

Talið er að hægt sé að lesa úr orðum lögfræðingsins hvernig vörn forsetans fyrrverandi verður byggð upp í þessu máli.

Frétt af mbl.is

Trump ákærður

Frétt af mbl.is

„Það má ekki verðlauna þessa glæpamenn“

Hversu langt nær vald forseta til að aflétta leynd

Donald Trump á að koma fyrir alríkisdómstól í Miami á þriðjudaginn og verða honum þar birtar kærur í 37 liðum. Kærurnar fela í sér brot á njósnalögum og fyrir að hafa sagt ósatt, þegar hann var spurður um meðferð leyniskjala.

Alina Habba, ein lögfræðinga Tumps, segir að hann muni aldrei sættast á neins konar málamiðlun í réttahöldunum fram undan enda hefði hann ekkert gert af sér.

Trump sækist enn eftir því að verða forsetaefni Repúblíkanaflokksins og halda verjendur hans því fram að ákærurnar og húsleit á býli forsetans í Mar-a-Lago séu pólitískar ofsóknir.

Fyrrverandi dómsmálaráðherra Bandaríkjanna, Bill Barr, hafnar þeim ásökunum og segir: „Það er algerlega fáránlegt að forseti hafi fullt vald til þess að ákveða einn síns liðs að eitthvert skjal sé persónulegs eðlis“. Má ætla að deilt verði í réttarhöldunum um það hversu langt vald forseta nær í því að aflétta leynd á tilteknum skjölum.