Þjóðarsorg mun ríkja um gervalla Ítalíu á miðvikudag þegar fyrrverandi forsætisráðherra landsins, Silvio Berlusconi, verður borinn til grafar.
Þá verður fánum einnig flaggað í hálfa stöng.
Leiðtoginn fyrrverandi lést fyrr í morgun eftir baráttu við hvítblæði. Hann var 86 ára gamall.
Útförin fer fram í Duomo dómkirkjunni í Mílanó og mun hefjast klukkan 13.00 á íslenskum tíma.