Hin 19 ára gömlu Barnaby Webber og Grace Kumar voru stungin til bana í gærmorgun í Nottingham í Bretlandi. 

BBC greinir frá þessu en auk unga parsins var maður á sextugsaldri einnig stunginn til bana. Eftir stunguárásirnar keyrði árásarmaðurinn á þrjár manneskjur á sendiferðabíl eldri mannsins. 

Eftir stunguárásirnar keyrði árásarmaðurinn á þrjár manneskjur á sendiferðabíl eldri mannsins sem lést. AFP/Darren Staples

Lögregla hefur ekki gefið út nöfn unga parsins formlega en fjölskylda Webber staðfesti að hann hefði látist. Hann stundaði nám við háskólann í Nottingham og æfði krikket. 

Sky News greinir frá því að Kumar stundaði einnig nám við háskólann og æfði hokkí. Hún spilaði með unglingalandsliðum Englands sem minntust hennar í yfirlýsingu. 

Orsök óljós

Lögregla notaði rafbyssu við handtöku á árásarmanninum. 

Hryðjuverkalögregla Bretlands tekur þátt í rannsókn á málinu, en tengsl árásarmannsins við öfgahópa hafa ekki verið staðfest. Þá eru orsök árásanna óljós. 

Hann er 31 árs gamall og er talin vera innflytjandi frá Vestur-Afríku. 

Ilkeston Road þar sem unga parið var stungið til bana. AFP/Darren Staples

Tengdar fréttir

Árás í Nottingham

Ákærður fyrir morðin í Nottingham

• Sá grunaði fyrrum nemandi í Nottingham-háskóla
• Húsvörður í grunnskóla þriðja fórnarlambið
• Tveir nemendur meðal þeirra látnu í Nottingham
• „Ég vildi óska þess að ég hefði ekki séð þetta“

» Fleiri tengdar fréttir

• Blogga um frétt