Tvær eldflaugar sem skotið var frá Norður-Kóreu lentu í sjónum í efnahagslögsögu Japans í dag.
Þetta staðfesti Kimi Onoda, varavarnarmálaráðherra Japans, við fjölmiðla þar í landi í dag.
Fumio Kishida, forsætisráðherra Japans, segir að ekki hafi verið tilkynnt um neitt tjón vegna eldflauganna.
„Eldflaugaskotin í dag brjóta á samþykktum Öryggisráðs Sameinuðu þjóðanna og eru kærulaus verknaður sem ögrar alþjóðasamfélaginu,“ sagði Kishida við fjölmiðla í dag.