Maður­inn sem grunaður er um að hafa framið stungu­árás­ina í Nott­ing­ham á þriðju­dag­inn hefur verið ákærður fyrir morð. Maðurinn, sem er 31 árs, er fyrr­um nem­andi í Nott­ing­ham-há­skóla í Bretlandi og heit­ir Valdo Am­issão Mendes Caloca­ne.

Breska ríkisútvarpið greinir frá.

Þrír voru stungn­ir til bana í árás­inni á þriðjudaginn og miðborg Nott­ing­ham var lokað eft­ir að þrír fund­ust látn­ir um morguninn. Hinir látnu voru Barnaby Webber og Grace O'Malley-Kumar, sem bæði voru 19 ára nemendur við Nottingham-háskóla, og hinn 65 ára gamli Ian Coates, sem var húsvörður í grunnskóla.

Frétt af mbl.is

Sá grunaði fyrrum nemandi í Nottingham-háskóla

Lög­regl­an á svæðinu hefur hins vegar sagt ekk­ert benda til að morðin séu tengd skól­an­um að nokkru leyti.

Nú hefur Calocane verið ákærður fyrir morðið á þeim þremur. Hefur hann þar að auki verið ákærður fyrir tilraun til morðs í þremur liðum, þar sem hann slasaði einnig þrjá einstaklinga til viðbótar, einn hverra slasaðist alvarlega.

Calocane mun því fara fyrir dóm á morgun.

Tengdar fréttir

Árás í Nottingham

Sá grunaði fyrrum nemandi í Nottingham-háskóla

• Húsvörður í grunnskóla þriðja fórnarlambið
• Nöfn nemendanna sem létust
• Tveir nemendur meðal þeirra látnu í Nottingham
• „Ég vildi óska þess að ég hefði ekki séð þetta“

» Fleiri tengdar fréttir

• Blogga um frétt