Jevgení Viktoróvitsj Prígosjín, fjármagnari og innsti koppur í búri Wagner-sveitanna rússnesku, var ná­inn vin­ur Vla­dimírs Pútíns Rúss­lands­for­seta og jafn­an nefnd­ur „kokk­ur Pútíns“ sem sprottið er af því að eft­ir að hann losnaði úr fang­elsi í kjöl­far 13 ára dóms fyr­ir rán, lík­ams­árás og fjár­svik tók hann að reka pylsu­vagn í Pét­urs­borg en fljót­lega bætt­ist mat­vöru­versl­un við rekst­ur­inn og að lok­um fín­ir veit­ingastaðir. Hélt Pútín jafn­an upp á af­mæli sitt á veit­inga­stöðum Prígosjíns sem varð kveikj­an að kokksviður­nefn­inu.

Prígosjín tilheyrir hópi svokallaðra ólígarka, vafasamra kaupsýslumanna sem auðguðust á ýmsum viðskiptum í kjölfar falls Sovétríkjanna – viðskiptum sem þoldu dagsljósið misvel. Hann er fæddur 1. júní 1961 og stjórnar nú, auk Wagner-málaliðasveitanna, fjölda fyrirtækja, þar á meðal þremur sem talið er að hafi reynt að hafa áhrif á niðurstöður forsetakosninganna í Bandaríkjunum árið 2016.

Lofaði föngum frelsi

Starfsemi kokksins er, eftir því sem fjölmiðlar á borð við The Insider, Der Spiegel og fleiri hafa fjallað um, nátengd rússneska varnarmálaráðuneytinu og leyniþjónustunni GRU.

Prígosjín neitaði lengi vel öllum tengslum við Wagner-sveitirnar en í september í fyrra játaði hann loks að hafa komið þeim á fót vorið 2014 til að styðja hersveitir Rússa í aðgerðum þeirra á Krímskaganum sem Rússar sölsuðu þá undir sig. Varð myndskeið nokkurt fleygt á samfélagsmiðlum sem sýndi Prígosjín ræða við fanga í rússnesku fangelsi og heita þeim frelsi ef þeir féllust á að starfa innan vébanda Wagner-sveitanna í sex mánuði.

Mörg fyrirtækja Prígosjíns hafa lengi sætt viðskiptabanni í Bandaríkjunum og Bretlandi og verið þar til rannsóknar auk þess sem bandaríska alríkislögreglan FBI hefur sett 250.000 dala verðlaun til höfuðs honum og skuli hver sá hljóta sem lagt getur fram upplýsingar er leiði til handtöku kokksins.

Hér einnig lesa um Prígosjín.

The Guardian

BBC

Tengdar fréttir

Uppreisn í Rússlandi

Prigósjín segist mættur til Afríku

• Wagner-liðar einblína á Afríku og Hvíta-Rússland
• Fengið yfir 2.000 vopn frá Wagner-liðum
• Pútín fundaði með Prígosjín
• Efla landamæravarnir við Hvíta-Rússland

» Fleiri tengdar fréttir

• Blogga um frétt