Prigósjín verði ekki sóttur til saka

Jevgení Prigósjín, stofnandi Wagner-málaliðahópsins, verður ekki sóttur til saka fyrir að hvetja til vopnaðrar uppreisnar gegn rússneskum stjórnvöldum. Það sama gildir um Wagner-málaliðana.

Þetta sagði Dmitrí Peskov, talmsaður Kremlar, og bætti við að rússneska þjóðin hefði ávallt borið virðingu fyrir frammistöðu málaliðanna í fremstu víglínunni.

Er Prigósjín nú sagður á leið til Hvíta-Rússlands.

Frétt af mbl.is

Prigósjín kominn yfir Rúbikon-fljótið

Rússnesk stjórnvöld lýstu því yfir í gærkvöld að þau hefðu gefið út hand­töku­skip­un á hend­ur Prigó­sjín fyr­ir að hvetja til vopnaðrar upp­reisn­ar, en við því broti ligg­ur fang­elsi á bil­inu 12-20 ár.

Prigósjín lýsti í gær yfir stríði á hendur Sergei Shoígú, varnarmálaráðherra Rússlands, sem hann sakaði um að hafa staðið að baki eldflaugaárás á eina af bækistöðvum málaliðahópsins.

Peskov sagði að samkomulag hefði verið gert við Prigósjín til að forðast blóðsúthellingu. Þá ætti uppreisn Wagner-málaliðanna ekki að hafa áhrif á framgang stríðsins í Úkraínu.

Ekki liggur fyrir hver framtí9ð Shoígú í embætti verður.

• Blogga um frétt