150 handteknir í óeirðum í Frakklandi
Setja bókamerki
Franska lögreglan handtók 150 manns snemma í morgun vegna áframhaldandi óeirða í landinu eftir að lögregluþjónn skaut 17 ára pilt til bana. Kveikt var í bílum og flugeldum skotið á loft.
Emmanuel Macron Frakklandsforseti kallaði ríkisstjórn sína til neyðarfundar í morgun vegna málsins. Hann segir óeirðirnar í nótt vera „óréttlætanlegar“.
„Síðustu klukkustundirnar hefur ofbeldi verið beint gegn lögreglustöðvum en einnig skólum og bæjarskrifstofum...gegn stofnunum og lýðveldinu,“ sagði Macron á ríkisstjórnarfundinum og bætti við að „þessar árásir eru algjörlega óréttlætanlegar“.
„Nótt uppfull af ofbeldi sem ekki er hægt að umbera. Ráðist var gegn táknmyndum lýðveldisins og kveikt var í eða árásir gerðar á byggingar stjórnvalda, skóla og lögreglustöðvar,“ sagði innanríkiráðherrann Gerald Darmanin á Twitter, þar sem hann tilkynnti jafnframt um handtökurnar.
Móðir Nahel M., piltsins sem var skotinn til bana, hefur óskað eftir því að ganga verði haldin í úthverfi Parísar, Nanterre, seinnipartinn í dag til minningar um einkabarnið hennar.
Átök á milli mótmælenda og lögreglunnar voru með rólegra móti til að byrja með í gærkvöldi í París en þau jukust til muna eftir miðnætti. Óeirðir voru einnig í fleiri frönskum borgum á borð við Toulouse, Dijon og Lyon. Um 2.000 lögreglumenn voru að störfum til að ná tökum á ástandinu.
Hyggst leiða ríkisstjórnina til enda
Sex gíslar fundust látnir í Rafah
Einn játað sök í stóra fíkniefnamálinu
Harris segir Trump hafa vanvirt helga jörð
„Þetta er grafalvarlegt mál“
Bæjarstjórinn ósammála ritara Sjálfstæðisflokksins
Tveir stungnir í gistiskýlinu á Granda
