Erdogan argur út í Svía

Recep Tayyip Erdogan, forseti Tyrklands, fordæmdi í dag sænsk stjórnvöld harðlega fyrir að heimila mótmæli í landinu þar sem karlmaður kveikti í blaðsíðum úr Kóraninum, helsta trúarriti múslíma í Stokkhólmi.

Þetta þykir draga verulega úr möguleika Svía á að ganga hratt inn í Atlantshafsbandalagið, NATO. 

Frétt af mbl.is

„Rasísk“ Kóranbrenna í Svíþjóð

Íraskur karlmaður stóð fyrir mótmælunum fyrir utan mosku í höfuðborg Svíþjóðar. Maðurinn hafði fengið leyfi frá lögreglunni til að halda mótmælin sem fóru fram á sama tíma og trúarhátíð múslíma, Eid al-Adha, sem fer nú fram. 

Frá mótmælum sem Salwan Momika stóð fyrir í Stokkhólmi í gær. AFP

„Við munum á endanum kenna hinum hrokafullu Vesturlandabúum að það telst ekki vera frjáls hugsun að móðga múslíma,“ sagði Erdogan í sjónvarpsávarpi. 

Ummæli Erdogans falla einni viku áður en hátt settir embættismenn Tyrkja og Svía munu funda í Brussel í Belgíu til að ræða umsókn Svía í NATO. 

Tyrkir og Ungverjar, sem eiga einnig aðild að NATO, hafa neitað að staðfesta aðildarumsókn Svía, sem öll önnur NATO-ríki hafa gefið grænt ljós. 

Vestrænir embættismenn vonast til að bjóða Svía velkomna í NATO þegar bandalagið heldur leiðtogafund í Litháen 11. og 12. júlí. 

Í skriflegri ákvörðun sænsku lögreglunnar, sem heimilaði fyrrgreind mótmæli, að út frá öryggissjónarmiðum þá hefði ekki, samkvæmt núgildandi lögum, verið hægt að meina manninum að synja beiðni mannsins. 

• Blogga um frétt