Fjölga enn lögreglumönnum í Frakklandi
45.000 lögregluþjónar hafa verið kallaðir út til að bregðast við óeirðum í Frakklandi.
AFP
Setja bókamerki
Frönsk yfirvöld fjölga lögregluþjónum í viðbragðsstöðu við óeirðum mótmælenda í landinu um 5.000 í kvöld.
Í gær var 40.000 lögregluþjónum gert að bregðast við ofbeldisfullum mótmælendum en í dag voru 45.000 lögregluþjónar kallaðir til starfa.
Byggist sú ákvörðun á því að í gær náði lögregla ekki að koma í veg fyrir fjölda skemmdarverka og ofbeldisbrota. Voru þá 492 mannvirki skemmd og kveikt var í 2.000 ökutækjum. Alls voru kveiktir 3.880 eldar á landsvísu samkvæmt tölum stjórnvalda.
Er þessi fjölgun lögregluþjóna hluti af viðbragðsáætlun Frakklandsforseta, Emmanuels Macrons, sem hefur lagt áherslu á að gæta meðalhófs við viðbragðsaðgerðir.
Taldi betra fyrir drengina að deyja
„Skjálftaklessa á milli Grímseyjar og Öxarfjarðar“
Glíma enn við eftirköst E.coli-smits í Efstadal
Nokkrar skriður féllu á Vestfjörðum
Telja sig geta rekið Grindavík til 2026
„Allt í rusli“ við brúargerð á Vestfjörðum
