Neyðarfundir boðaðir vegna óeirða í Frakklandi
Setja bókamerki
249 lögregluþjónar slösuðust í mótmælum gærkvöldsins í borgum Frakklands. Að minnsta kosti 667 mótmælendur og óeirðaseggir hafa verið handteknir í mótmælunum sem hafa nú staðið yfir í þrjá daga. Mótmælin eru í kjölfar þess að lögregluþjónn skaut 17 ára unglingspilt til bana. Emmanuel Macron mun taka neyðarfund með ríkisstjórninni sinni í dag.
Mótmælin hafa verið fjölmenn síðustu daga en þau byrjuðu í París en hafa nú einnig sprottið upp meðal annars í frönsku borgunum Marseille, Roubaix, Bordeaux og Nantes. 40.000 lögregluþjónar voru kallaðir til víðsvegar af landinu til að takmarka óeirðirnar. Brotist hefur verið í búðir, bílar brenndir og eignir skemmdar.
Borgarstjóri Parísar, Anne Hidalgo boðaði neyðarfund sem hófst klukkan 08:00. Ríkisstjórn Macrons mun einnig funda í dag, þó er ekki vitað klukkan hvað. Sumir hafa kallað eftir því að neyðarástandi verði lýst yfir í landinu en það myndi gefa stjórnvöldum grundvöll til þess að takmarka samkomur og setja útgöngubann. Nokkrir ráðherrar sögðu þó í gær að það kæmi ekki til greina.
Prjónaði sokka á þann sem myrti hana
Styrkjamáli ekki lokið
Í bestum málum ef illa gengur
Erfitt að lesa Morgunblaðið í gær
Telur dóminn ekki hafa áhrif á viðræður