Mótmælin teygja sig til Sviss
Setja bókamerki
Sex ungmenni voru handtekin vegna óeirða í svissnesku borginni Lausanne í nótt, sem lögregla segir vera innblásin af óeirðunum í Frakklandi.
Lögreglan í Sviss greindi frá því í dag að meira en hundrað ungmenni hefðu framið skemmdarverk í verslunum í miðborginni.
Auk ungmennanna var fullorðinn maður einnig handtekinn.
Þótt óeirðirnar séu hvergi nærri ástandsins í Frakklandi var grjóti kastað og rúður brotnar í verslunum í Lausanne, sem er í frönskumælandi hluta Sviss.
Lögreglurannsókn hafin
„Til að líkja eftir atburðunum og óeirðunum sem geisa í Frakklandi söfnuðust meira en hundrað ungmenni saman í miðborg Lausanne og frömdu skemmdarverk í fyrirtækjum,“ sagði lögreglan í yfirlýsingu.
/frimg/1/42/48/1424840.jpg)
Boðað hafi verið til mótmælanna á samfélagsmiðlum. Um 50 lögreglumenn voru sendir á vettvang og enginn slasaðist. Lögreglurannsókn er hafin.
Þrjár stúlkur á aldrinum 15 til 16 ára voru handteknar auk þriggja drengja á aldrinum 15 til 17 ára.
Traust til kvenleiðtoga fer minnkandi
Glíma enn við eftirköst E.coli-smits í Efstadal
Ránið var framið í strætóskýli
„Skjálftaklessa á milli Grímseyjar og Öxarfjarðar“
Nokkrar skriður féllu á Vestfjörðum
Taldi betra fyrir drengina að deyja
