Franski lögreglumaðurinn sem skaut ungling til bana við umferðareftirlit í úthverfi Parísarborgar í síðustu viku neitar að hafa hótað honum áður en hann hleypti af skotinu. 

Lögreglumaðurinn er nefndur Florian M. í frönskum miðlum. Hann ræddi við innra eftirlit lögreglunnar skömmu eftir að atvikið átti sér stað. 

Lát unglingsins, sem hét Nahel M. og var 17 ára gamall, hefur vakið mikla reiði í Frakklandi. Mótmælt var á götum úti víða um landið. 

„Þú færð kúlu í höfuðið“

Samkvæmt afriti af því neitaði hann að hafa sagt: „þú færð kúlu í höfuðið“. Heyra má þau orð í myndbandsupptöku af atvikinu sem vegfarandi tók upp. 

Rannsóknarlögreglan telur að lögreglumaðurinn sem var með honum á vettvangi hafi sagt orðin sem um ræðir, en frekari rannsókn á gögnum málsins stendur yfir. 

Florian M. var handtekinn skömmu seinna. Í morgun lýsti hann yfir sakleysi sínu þegar málið var þingfest í dómsal í Versölum.

Hann er ákærður fyrir manndráp af ásetningi. 

Tengdar fréttir

Óeirðir í Frakklandi

Söfnun vegna lögreglumanns í rannsókn

• Dregur úr umfangi óeirða í Frakklandi
• Tjón talið nema um 20 milljónum evra
• 150 milljónir safnast fyrir lögreglumanninn
• Slökkviliðsmaður lést við störf í óeirðunum í nótt

» Fleiri tengdar fréttir

• Blogga um frétt