Segir Prigósjín enn í Rússlandi
Alexander Lúkasjenkó, forseti Hvíta-Rússlands, segir Jevgení Prigósjín ekki vera í Hvíta-Rússlandi.
AFP/Natalia Kolesnikova
Setja bókamerki
Alexander Lúkasjenkó, forseti Hvíta-Rússlands, segir Jevgení Prigósjín ekki vera í Hvíta-Rússlandi.
Prigósjín fer fyrir Wagner-málaliðahópnum, og stóð að misheppnaðri uppreisn gegn rússneskum stjórnvöldum 24. júní síðastliðinn. Lúkasjenkó segir Prigósjín vera í Pétursborg í Rússlandi og að sveitir hans séu í búðum sínum þar í borg.
Forseti Hvíta-Rússlands var lykilmaður í því að afstýra áframhaldi uppreisnar Wagner-hópsins. Prigósjín var lofað öryggi fyrir sig og menn sína í skiptum fyrir það að hætta uppreisninni. Tryggingin fólst meðal annars í því að Prigósjín og menn hans fengu skjól í Hvíta-Rússlandi.
Í síðustu viku sagði Lúkasjenkó Prigósjín vera í Hvíta-Rússlandi, en segir í dag hann vera í Pétursborg.
Úlfar: Heppileg tímasetning á gosinu
Mjög alvarlegt ef Njarðvíkuræð gefur sig
Hluti bílastæðis undir hraun: Ómögulegt að meta tjón
„Erum í miðri hrinu“: Styttist í Eldvörp
Hraunið við bílastæði Bláa lónsins
Virknin dregist saman um 600 metra