Biðst lausnar hjá konungi

Mark Rutte, fráfarandi forsætisráðherra Hollands, mun biðjast lausnar fyrir sig og ríkisstjórn sína hjá konungi í dag. Ríkisstjórnin sprakk vegna ágreinings í innflytjendamálum og boða þarf til kosninga síðar á árinu.

Vilhjálmur Alexander, Hollandskonungur, var utan landsteinanna þegar ríkisstjórnin sprakk. Þurfti hann að fljúga heim úr fríi til að taka við afsögn forsætisráðherra.

Enginn í sögu Hollands hefur setið jafn lengi í sæti forsætisráðherra eins og Mark Rutte, en hann hefur setið að völdum síðan 2010.

Frétt af mbl.is

Ríkisstjórn Hollands fallin

Illa gekk að mynda fráfarandi stjórn

Vænst er að Rutte muni fara fyrir bráðabirgðaríkisstjórn þar til boðað verður til nýrra kosninga um miðjan nóvember. Rutte fór fyrir fjögurra flokka stjórn sem sprakk á tilögum hans um að herða enn reglur um sameiningu fjölskylda flóttafólks. Kemur það mál í kjölfar deilna í fyrra um yfirfullar móttökustöðvar flóttafólks í Hollandi.

Ekki reyndist þrautarlaust að mynda þá ríkisstjórn sem nú er að falla, því það tók flokkana heila 271 daga að koma henni saman. Hún tók formlega við völdum í janúar 2022. Þótti þar felast vísbending um örlög ríkisstjórnarinnar sem nú er að raungerast.

• Blogga um frétt