Erlent | AFP | 12.7.2023 | 21:13 | Uppfært 13.7.2023 10:32

Fengið yfir 2.000 vopn frá Wagner-liðum

Wagner-liðar í Rostov við Don í suðurhluta Rússlands í júní. AFP/Roman Romokhov

Rússar hafa tekið við meira en tvö þúsund vopnum og öðrum herbúnaði frá Wagner-málaliðahópnum, þar á meðal skriðdrekum.

Varnarmálaráðuneyti Rússlands greinir frá þessu í dag. Rússneski herinn hafi fengið meira en 2.500 tonn af skotfærum.

Mikið af búnaðinum hefur ekki verið notaður í bardaga áður. Þá hefur hluti vopnanna verið fluttur á staði í Rússlandi til viðhalds.

Frétt af mbl.is

Pútín fundaði með Prígosjín

Óvíst hvar Prigósjín er niðurkominn

Ekki er vitað hvar Jevgení Prigósjín, stofnandi Wagner-málaliðahópsins, er niðurkominn, en hann stóð að misheppnaðri uppreisn gegn rússneskum stjórnvöldum í júní.

Alexander Lúkasjenkó, forseti Hvíta-Rússlands, hafði milligöngu um samkomulag til að binda enda á aðgerðirnar. Fólst það meðal annars í því að Prigósjín og menn hans fengju skjól í Hvíta-Rússlandi.

Lúkasjenkó sagði hins vegar í síðustu viku að Prigósjín væri enn í Rússlandi.