Volodimír Selenskí, forseti Úkraínu, segir að loforð leiðtoga G7-ríkjanna komi ekki í stað aðildar Úkraínu að Atlantshafsbandalaginu (NATO). Hann er þó þakklátur loforði ríkjanna um frekara öryggissamstarf. 

Selenskí ræddi við fjölmiðla eftir fund með Jens Stoltenberg, framkvæmdastjóra NATO.

Síðar í dag er búist við því að G7-ríkin gefi út aðgerðaáætlun til þess að styrkja stöðu Úkraínu gegn Rússlandi í stríðinu. 

Selenskí sagði fyrir leiðtogafund NATO í Vilníus í Litháen að hann vonaðist til þess að Úkraínu yrði boðin aðild með skýrri tímalínu. 

„Það sem er best fyrir Úkraínu er að vera í NATO,“ sagði Selenskí. Hann sagðist hafa góða trú á því að Úkraína fengið aðild að NATO eftir stríðið. 

„Við munum gera allt til að láta það ganga upp,“ sagði Selenskí. 

Leiðtogar NATO-ríkjanna samþykktu í gær að Úkraína myndi hljóta aðild að bandalaginu þegar skilyrðum yrði mætt af hálfu Úkraínumanna.

Rishi Sunak, Joe Biden, Stoltenberg og Selenskí. AFP/Paul Ellis

Tengdar fréttir

Leiðtogafundur NATO í Vilníus

Svíar ekki í NATO fyrr en í haust

• 2% af landsframleiðslu til varnarmála
• Liðka fyrir aðild Úkraínu að NATO
• Viss um að væntanleg aðild Úkraínu verði áréttuð
• Fylgjast náið með leiðtogafundinum

» Fleiri tengdar fréttir

• Blogga um frétt