403 lík liðsmanna sértrúarsafnaðarins fundist

Lögreglan í Kenía hefur fundið 403 lík af liðsmönnum Good News In­ternati­onal Church sér­trú­arsafnaðar­ins í Shaka­hola-skógi. 

Frétt af mbl.is

Vantaði líffæri í nokkra liðsmenn sértrúarsafnaðarins

12 lík fundust til viðbótar í dag en Paul Nt­henge Mackenzie, leiðtogi Good News In­ternati­onal Church, á að hafa tjáð fylgj­end­um sín­um að þeir myndu hitta Jesú ef þeir sveltu sig.

Áfram verður leitað að líkum á morgun en leit í skóginum hófst 13. apríl. 

Paul Nt­henge Mackenzie, leiðtogi Good News In­ternati­onal Church, á að hafa tjáð fylgj­end­um sín­um að þeir myndu hitta Jesú ef þeir sveltu sig. AFP/Yasuyoshi Chiba

Krufningar hafa leitt í ljós að langflestir létust úr hungri en nokkr­ir liðsmenn, þar á meðal börn, voru kyrkt­ir eða barðir til dauða. 

Mackenzie var handtekinn um miðjan apríl og var úrskurðaður í áframhaldandi gæsluvarðhald 3. júlí. Eiginkona hans og 16 aðrir voru einnig handteknir í tengslum við málið. 

Mackenzie starfaði sem leigu­bíl­stjóri áður en hann stofnaði Good News In­ternati­onal Church árið 2003.

• Blogga um frétt