Sergei Aksjonov, leppstjóri Rússa á Krímskaga, lýsti því yfir nú fyrir stundu að lokað hefði verið fyrir umferð yfir Kertsj-brúna, sem tengir Rússland við skagann, vegna „neyðarástands“.

Samkvæmt „Grey Zone“-rásinni á Telegram-forritinu, sem hefur tengsl við Wagner-málaliðahópinn, reyndu Úkraínumenn að ráðast á brúna kl. 3.04 og 3.20 að staðartíma, eða um eittleytið að íslenskum tíma, með þeim afleiðingum að einn hluti vegarins hrundi og annar losnaði frá stöplum sínum. 

Féllu tveir og einn særðist, ef marka má heimildir rásarinnar. Rúm vika er síðan Rússar sögðust hafa skotið niður eldflaug sem miðað var á brúna. Þá náðu Úkraínumenn að ráðast á brúna í október 2022.

Tengdar fréttir

Úkraína

„Hlægilegar“ ásakanir um skemmdarverk

• Bandaríska sendiráðið í Kænugarði varar við árás
• Án fordæma á lýðveldistímanum
• Næsti fasi stríðsins hafinn
• Úkraínuher beitir langdrægum eldflaugum

» Fleiri tengdar fréttir

• Blogga um frétt